Musiek is soos asemhaal meen Ruan Josh

272

Ruan Josh is ‘n 26 jarige sanger, akteur en besigheidsman. Hy neem van skool af deel aan kompetisies en produksies en word in 2007 aangewys as die Beste Byspeler in die ATKV se Nasionale Tienertoneel kompetisie by Aardklop toe hy deel gevorm het van Hoërskool Die Wilgers se stuk “Reis, Vleis en Gebakte klippe”.

Ruan het al regoor die land opgetree in konserte soos Afrikaans is Groot (2013) en Gospel Skoupsel in Kaapstad (2013). Ruan was ook te sien in die verhoogproduksie “Droomkind – Die storie van Josef”.

Ruan help ook skryf aan die volgende Juanita du Plessis liedjie: Kaalvoetkind – “Jy voltooi my”

Ruan was deel van die Afrikaans is Groot (2014 & 2015) produksie in Pretoria sowel as Kaapstad (2014 & 2016) as ‘n agtergrondstem. Asook Innibos Hoofverhoog (2015 & 2016)

Ruan Josh se debuut album “Eggo” word 24 Februarie 2017 vrygestel. Na meer as 2 jaar in wording, is die aanvraag na sy debuut album groot. Die album sluit meer as 14 nuutgeskrewe liedjies in uit die pen van onder meer: Johan Oberholtzer, Franja du Plessis, Rudi Claase en Juanita du Plessis.

Ruan is gebore as Ruan Joshua du Plessis en het besluit om onder die Ruan Josh naam te sing vanweë sy korporatiewe verantwoordelikhede as besigheidsman. “Dis vir my 2 verskillende wêrelde en wil hulle graag apart hou. Ek geniet albei ewe veel en voel ek wil nog baie gee in beide wêrelde”

Ruan het ‘n B-Com Graad in Besigheids Bestuur en bekleë ook die algemene Bestuurs pos in 2 firmas naamlik WOW Music Distribution en Juanita Records.

“Musiek is soos asemhaal vir my, dis deel van my wese en ek glo musiek spreek oor alle grense heen. Dis hoekom ek net wil reis en by almal uitkom en my musiek deel. Ek kan nie wag nie.”

Deel jou kommentaar | Share your comments here:

Persone se Kommentaar | Comments