Meisierockers sing oor die langpad…

102

Die Ghoema en SAMA benoemde meisierockers, SAARKIE, se musiek is op almal se lippe en hulle is besig om die land aan die brand te toer! Vandaar die titel vir hulle splinternuwe enkelsnit, LANGPAD, vanaf hulle vierdie album, Queen van die Toorbos, wat gedurende 2017 uitgereik is.

Langpad is geskryf deur Adéle Fouchè en Mjön van Blommestein terwyl hulle een aand op ‘n langpad terug huistoe gery het. Die liedjie gaan oor elkeen van ons wat iewers in ons lewens ‘n lang pad het om te loop. Of dit nou in die liefde, jou drome, met vriende of familie, of werklik op die pad is. “Almal het ‘n pad wat hulle moet stap en benodig iemand langs hulle om die pad korter en lekkerder te maak, en ons hoop regtig die luisteraars gaan van die liedjie hou!”, sê Adèle.

Hierdie liedjie is ook op hulle album, Queen van die Toorbos beskikbaar wat voortbou op die elektries-akoestiese, bars-uit-jou-nate-uit, wenresep waarvoor dié groep bekendheid verwerf het.   Dit kan beskryf word as ’n mengsel van moderne Pop en Rock.

Die groep het, sedert hul ontstaan, al stempel afgedruk by al die grootste Suid-Afrikaanse muskiekfeeste soos Aardklop, KKNK, STRAB, Mieliepop en Innibos en ook die verhoog gedeel met van die land se bekendstes soos Karen Zoid, Francois van Coke, Die Heuwels Fantasties, Spoegwolf, Steve Hofmeyr, Kurt Darren, The Parlotones, Cindy Alter (Clout), Ballyhoo en vele ander.

LIEDJIES OP QUEEN VAN DIE TOORBOS:

Vir Altyd

Swerwers

Suidwes-Afrika

Langpad

Vryheid

River Runner

Over the Sea

Kies vir jou

My Diktator

Toema Afrika

Queen van die Toorbos

Stille Waters (Laurika Rauch)

I’m On Fire (Bruce Springsteen)

Beds Are Burning (Midnight Oil)

 

SOSIALEMEDIASKAKELS

Facebook

Twitter: @SaarkieBand

Instagram: @saarkieband

Webblad

Deel jou kommentaar | Share your comments here:

Persone se Kommentaar | Comments

Advertensie