Vrydag , Augustus 17 2018
Home / Afrikaanse flieks en Teater / kykNET loods Grapkas projek!

kykNET loods Grapkas projek!

Het jy ‘n idee vir ‘n idee vir ‘n televisie komedie wat jy al lank mee rondloop? Daardie karakters wat jy weet kykers mee sal kan identifiseer; onmoontlike situasies met skreeusnaakse gevolge. Nou is jou kans om jou idee voor te lê en joune word dalk gekies om verder saam met kykNET en GRAPKAS ontwikkel te word.

GRAPKAS is ‘n nuwe kompetisie waar daar na nuwe komedieskrywers gesoek word en hulle die geleentheid te gun om onder die mentorskap van ‘n groep kenners hul idees verder te ontwikkel. Die uiteinde is moontlik ‘n TV-reeks met jou in die skrywerstoel.

“Ons gebruik die afgelope paar jaar die kykNET Silwerskermfees om jong talent te ontgin en dit is vir ons ‘n groot suksesverhaal,” sê Karen Meiring, MNET: Direkteur kykNET-kanale. “Heelwat van die rolspelers in die filmbedryf vandag het die fees as hul vertrekpunt gehad. Ons hoop nou om deur GRAPKAS dieselfde te doen met ‘n baie gewilde TV-genre naamlik komedie. Dit is tyd dat ‘n platform spesifiek daarvoor geskep word en ons nuwe stemme gaan soek wat ‘n loopbaan vir hulself kan bou.”

Voornemede deelnemers kan elektronies by kykNET.tv inskryf. Elke inskrywing moet uit ‘n loklyn, met ander woorde ‘n beknopte beskrywing van jou reeks, asook ‘n beskrywing van 500 woorde van jou konsep bevat. Die sluitingsdatum is 15 Julie waarna ‘n keuringsproses sal volg. Onder leiding van kenners en mentors vanuit die bedryf sal die top-20 konsepte verwerk word tot ‘n teks van 24 minute wat dan vir oorweging ingehandig sal word. Daar sal dan loodsepisodes van die top-4 gemaak word en dit staan dan die kans om ‘n nuwe komediereeks op kykNET te word.

Inskrywings is oop vir almal. Die inskrywings moet egter volledig wees met alle aspekte soos aangevra anders sal dit nie vir GRAPKAS in aanmerking kom nie.

Volg hierdie skakel vir meer inligting, ie termes en voorwaardes asook die inskrywingsvorm.

 

Deel jou kommentaar | Share your comments here:

Persone se Kommentaar | Comments

Sien ook

Suid-Afrika swem saam STROOMOP!

Stroomop is amptelik op Vrouedag, 9 Augustus vrygestel in fliekteaters landswyd. Met reuse afwagting vir …

Fliek oor Ellen Pakkies se lewe sal kykNET Silwerskermfees open!

Die fliek oor Ellen Pakkies se lewe, ELLEN, DIE ELLEN PAKKIES STORIE, het reeds oorsee …