Sondag , Augustus 19 2018
Home / Afrikaanse flieks en Teater / Fantastiese top 15 kunstenaars by vanjaar se Suidoosterfees!

Fantastiese top 15 kunstenaars by vanjaar se Suidoosterfees!

Die Suidoosterfees, met die tema Fantastiese 15 spog met van Suid-Afrika se mees talentvolle en gewilde kunstenaars. Die fees vind vanjaar vanaf 26 April – 1 Mei by Artscape plaas en beloof om een van die bestes nóg te wees.

Die veteraan aktrise, Shaleen Surtie-Richards herleef weer haar rol van meer as 20 jaar gelede as Fiela Komoetie – ma van Benjamin, haar wit vondelingkind. Fiela se Kind is van 26 April by die Suidoosterfees te sien. Skoliere sal veral aanklank vind by die produksie – aangesien dit ’n voorgeskrewe werk vir skole is.

Stef Bos en Koos Kombuis is saam te sien in Stef en Koos: Suidoos, hul twee-man vertoning propvol kwinkslae en pragtige klanke. Stef is ‘n huishoudelike naam in die Lae Lande en bevind homself deesdae in die hartjie van Kaapstad, terwyl Koos jare reeds inspirasie put uit die Moederstad. Dié twee gesoute kunstenaars beloof om op Werkersdag (1 Mei) feesgangers weg te voer soos die legendariese Kaapse Dokter.

Die alombekende Elsabé Daneel ontferm haar oor die supertalentvolle jongmense van die appel-wêreld in vanjaar se Marimba Gimba, ʼn opvolg-produksie vol plak en chutzpah. Elsabé span kragte saam met die Rural Arts Network Marimba-orkes en die eg-Afrikaanse rymkletser, HemelBesem op Sondag, 29 April in die Artscape Arena.

Die gevierde jazz-sanger, Melanie Scholtz toer gereeld in Europa, waar sy ’n reuse aanhang geniet. Op 28 April, deel sy die verhoog met die gesogte Cape Town Tango Ensemble in die produksie Kaapse Tango.

Die fees spog ook met die kykNET SOF Hip Pops – ’n produksie wat musiekgeskiedenis gaan maak met ’n kombinasie van hip-hop en klassieke musiek met kunstenaars soos Jack Parow, YOMA, DJ Ready D en die Kaapse Filharmoniese Jeugorkes onder leiding van Brandon Phillips.

Feesgangers kan verder uitsien na hope gratis vermaak tydens die naweek van die fees in die Netwerk24-Feeskafee en op die Joox-piazza met o.a. Fab 15 Varieté, Medicine Boy, The Pedestrians, ATKV-Crescendo in Konsert, Kuier met Uncle Cal, Dans van die Vlamme, Ballroom op die Piazza, Moonlight Invasion en meer.

Deel jou kommentaar | Share your comments here:

Persone se Kommentaar | Comments

Sien ook

Suid-Afrika swem saam STROOMOP!

Stroomop is amptelik op Vrouedag, 9 Augustus vrygestel in fliekteaters landswyd. Met reuse afwagting vir …

Fliek oor Ellen Pakkies se lewe sal kykNET Silwerskermfees open!

Die fliek oor Ellen Pakkies se lewe, ELLEN, DIE ELLEN PAKKIES STORIE, het reeds oorsee …